15. Editioun

• Profil vun de Participanten

Matmaache kënne Jonker tëschent 12 a 25 Joer mat engem Wunnsëtz zu Lëtzebuerg. Dës Kategorie ass net op fir Jonker, déi een Diplom am audiovisuelle Beräich hunn oder an dësem schaffen.

Déi Jonk dierfe vu Professioneller aus dem sozialen oder edukative Beräich ënnerstëtzt ginn. 

Jonker, déi schonn eng Kéier den 1. Präis an dëser Kategorie gewonnen hunn, dierfen net nach eng Kéier matmaachen an dëser Kategorie.

• Konditiounen

An der Kategorie Crème Surprise solle Participanten ee Clip realiséieren, deen de Publikum iwwerrascht -mat enger onerwaarter Wendung, engem originellen Twist oder ee Schluss, deen keen virausgesäit. 

Dauer vum Clip dierf net méi laang wéi 90 Sekonne sinn. Heirënner falen och d’Credits. 

De Clip dierf net géint Auteursrechter verstoussen. D’Organisateuren halen sech d’Recht fir, Clips déi Gewalt , Haass an Intoleranz verherrlechen oder mat pornografeschen Inhalter, dem Concours auszeschléissen. 

• Selektioun

Ënner all den ageschéckte Clips ginn tëschent 20 a 25 Clips selektionéiert, déi wärend dem Crème Fraîche Event dem Publikum präsentéiert ginn. 

• Präisser

D’Publikum bestëmmt wärend dem Event per Voting déi dräi  Gewënnerclips.

• Wichteg Datumer

Asendeschluss ass den 03.02.2026 um 23:59

Crème Fraîche Event an d'Präisiwwerreechung sinn de 7.03.2026 um 14:30 am Kinepolis Kierchbierg. 

• Profil vun de Participanten

Matmaache kënne Jonker tëschent 12 a 25 Joer mat engem Wunnsëtz zu Lëtzebuerg. Dës Kategorie ass net op fir Jonker, déi een Diplom am audiovisuelle Beräich hunn oder an dësem schaffen.

Déi Jonk dierfe vu Professioneller aus dem sozialen oder edukative Beräich ënnerstëtzt ginn. 

Jonker, déi schonn eng Kéier den 1. Präis an dëser Kategorie gewonnen hunn, dierfen net nach eng Kéier matmaachen an dëser Kategorie.

• Konditiounen

An dëser Kategorie solle Participanten Dréibicher schreiwen, wou Handlung sech am Hotel Fraîche am Zëmmer 15 ofspillt. Gesiicht gëtt eng Geschicht, déi matrappt, Spannung erzeugt an déi besonnesch Atmosphär vum Dréiuert benotzt. 

Dréibuch muss follgend Krittären erfëllen:

• Maximal 4 Säiten
• Sproochen: L, DE, FR, E
• Dréiuert: Zëmmer 15
• Maximal zwee Schauspiller
• Logline: resuméier däin Zenario an engem Saz. Dëse kuerze Resumé muss op der éischter Säit vum Zenario gutt erkennbar sinn.

Dréibuch dierf net géint Auteursrechter verstoussen. D’Organisateuren halen sech d’Recht fir, Dréibicher, déi Gewalt, Haass an Intoleranz verherrlechen oder mat pornographeschem Contenu, dem Concours auszeschléissen. 

• Selektioun

Eng onofhängeg Jury vu 5-6 Jonke bestëmmt d’Gewënner an dëser Kategorie. 

• Präisser

Dat beschten Dréibuch gëtt vun de Gewënner mat der Ënnerstëtzung vum SNJ verfilmt. Dréibuch ka jee no Bedarf ugepasst ginn. D‘Gewënner gi wärend dem Crème Fraîche Event annoncéiert.

• Wichteg Datumer

Asendeschluss ass den 03.02.2026 um 23:59

Crème Fraîche Event an d'Präisiwwerreechung sinn de 7.03.2026 um 14:30 am Kinepolis Kierchbierg. 

• Profil vun de Participanten

Matmaache kënne Jonker tëschent 16 a 30 Joer mat engem Wunnsëtz zu Lëtzebuerg. Dës Kategorie ass op fir Jonker, déi een Diplom am audiovisuelle Beräich hunn oder an dësem schaffen.

Jonker, déi schonn eng Kéier den 1. Präis an dëser Kategorie gewonnen hunn, dierfen net nach eng Kéier matmaachen an dëser Kategorie.

• Konditiounen

An der Zenario+ Kategorie dierfen d'Participanten Thema fräi wielen. Awer d’Zenario muss follgend Krittären erfëllen:

• Maximal 9 Säiten
• Sproochen: L, DE, FR, E
• Maximal dräi Schauspiller
• Logline: resuméier däin Zenario an engem Saz. Dëse kuerze Resumé muss op der éischter Säit vum Zenario gutt erkennbar sinn.

Zenario dierf net géint Auteursrechter verstoussen. D’Organisateuren halen sech d’Recht fir Zenarioen, déi Gewalt, Haass an Intoleranz verherrlechen oder mat pornographeschen Contenu, dem Concours auszeschléissen. 

• Selektioun

Eng onofhängeg Jury vun  dräi Jonken  an dräi  Professionellen aus dem Filmsecteur bestëmmt d’Gewënner an dëser Kategorie. 

• Präisser

Dee beschten Zenario gëtt vum CNA an dem SNJ ënner professionelle Konditioune verfilmt. D’Organisateure behalen sech d’Recht fir, de Realisateur/ Realisatrice ze bestëmmen.  Zenario ka jee no Bedarf ugepasst ginn. D‘Gewënner gi wärend dem Crème Fraîche Event annoncéiert.

Mat hirer Participatioun um Concours erklären d'Participanten sech domat averstanen, datt si, am Fall wou hiren Zenario déi éischt Plaz gewënnt, schrëftlech all wirtschaftlech Exploitatiounsrechter un den Organisateur oftrieden (inklusiv d'Recht fir en ze reproduzéieren, unzepassen, ze verëffentlechen, ze verdeelen an opzeféieren) am Aklang mam Lëtzebuerger Auteurrechtsgesetz. D'moralesch Rechter vum Auteur, dorënner d'Recht op Unerkennung vun der Auteurenschaft an d'Recht, sech géint ofwäertend Verännerungen ze wieren, bleiwen am Aklang mam Gesetz erhalen. Dës Oftriedung gëllt nëmmen am Kader vun enger professioneller Verfilmung an/oder enger kultureller oder edukativer Diffusioun vum Film. 

• Wichteg Datumer

Asendeschluss ass den 03.02.2026 um 23:59

Crème Fraîche Event an d' Präisiwwerreechung sinn den 07.03.2026 um 14:30 am Kinepolis um Kierchbierg.