FAQ
-
Ab wéini kann ee säi Projet eraschécken?
Ab deem Moment wou d’Thema feststeet, kann een iwwer den Umeldeformulaire säi Projet eraschécken.
-
kann een säin Wierk no der Deadline zeréck zéihen?
Nee, et ass aus organisatoresch Grënn net méiglech säin Wierk no der Deadline zeréck ze zéien.
-
Mussen d'Participanten um Event deelhuelen?
Et soll mindestens ee Participant pro Clip oder Dréibuch präsent sinn um Event. Falls dat net méiglech ass, gi Participante gebieden eng Vertriedung ze organiséieren.
-
Wéini fënnt Präisiwwerreechung statt?
Präisiwwerreechung ass Deel vun dem Event a fënnt de 7 Mäerz um 14:30 statt.
-
Kann ee beim Concours a méi wéi enger Kategorie matmaachen?
Jo, et kann ee soulaang een d'Krittären (z.B. Altersbegrenzung, Diplom am Filmberäich) erfëllt a méi Kategorië matmaachen.
-
Wat ass den Ënnerscheed tëschen der Kategorie “Dréibuch 1.0” an “Zenario+”?
D’Zilgruppen ënnerscheede sech bei deenen zwou Kategorien. Bei der Kategorie “Dréibuch 1.0” kënnen 12 bis 25 Järeger matmaachen, beim Zenario+ sinn et 16 bis 30 Järeger. Zousätzlech dierfe beim "Zenario+" Jonker matmaachen, déi ee Filmdiplom hu respektiv am Filmsecteur schaffen. Kategorie “Dréibuch 1.0” huet méi einfach Krittären a riicht sech virun allem u Jonker, déi nach ni een Dréibuch geschriwwen hu respektiv nach ganz am Ufank vun hirer Karriär stinn. Beim Zenario+ sinn déi Jonk gefrot, déi scho méi Erfarung am Filmberäich hunn.
-
Kann ech bei dem Crème Fraîche matmaache wann ech schonn eng Kéier gewonnen hunn?
Du kanns net méi an der Kategorie wou s de deen éischte Präis krut hues, matmaachen. Du kanns awer an enger anerer Kategorie matmaachen.
-
Kascht et eppes fir beim Concours matzemaachen?
De Concours ass gratis.
-
Wat kann ee gewannen?
Déi eenzel Präisser vun de Kategorie ginn am Hierscht annoncéiert.
-
Zenario+: Ass de Gewënner/ Gewënnerin och automatesch de Realisateur/ Realisatrice vum Film?
Nee, d’Organisateuren entscheeden, wien d'Gewënnerdréibuch realiséiert, d’Gewënner ginn awer an de Prozess mat abezunn.
-
Ginn d’Credits och zu deenen 90 Sekonne gezielt?
D’Credits an den Titel zielen och zu deenen 90 Sekonnen am Clip.